Syed Sarosh Asif
fulan se dekho falane ki baat karta hai
ye aa.ina to laḌane ki baat karta hai
use main haal sunane ko phone karta huun
vo mujh se sher sunane ki baat karta hai
ye dasht us ko bhala kis tarah muaaf kare
use jo chhoḌ ke jaane ki baat karta hai
yahan usi ko hi pagal qarar dete hai
yahan zara jo Thikane ki baat karta hai
use bilal ki azmat ka koi ilm nahin
jo apne unche gharane ki baat karta hai
Leave a Reply