fasl-e-gul tohmat-e-junun laa.i
basti basti hui hai rusva.i
shahr men jab se aa gaya huun tire
aur bhi baḌh ga.i hai tanha.i
aarzu ek na-shagufta kali
jo sar-e-shaḳh-sar murjha.i
ashiqi ik dabi hui si choT
bhige mausam men jo ubhar aa.i
zindagi sham-e-gham ki banhon men
ik sulagti hui si tanha.i
log kahte hain ahl-e-dil ko kabhi
zindagi raas hi nahin aa.i
hausla ho to ai gham-e-janan
kaun tera nahin tamanna.i
Leave a Reply