Poet
fasana-e-sitam-e-ka.enat kahte hain
ye ashk-e-gham to mire dil ki baat kahte hain
vahi nigah ki jis se jahan larazta hai
ham us nigah ko raz-e-hayat kahte hain
tulu-e-mehr-e-mubin tak nazar nahin jaati
jo be-ḳhabar hain vo din ko bhi raat kahte hain
gul-o-bahar ka anjam hai jinhen ma.alum
chaman ko dam-gah-e-hadsat kahte hain
ham ahl-e-ishq hain ‘sha.ir’ hamen ye hosh kahan
kise itaab kise iltifat kahte hain
Leave a Reply