fareb-e-ḳhubi-e-nairang dekhne ke liye
nikal paḌa huun tire sang dekhne ke liye
ta.assubat ke chehre pe ab hai ḳhush-hali
lahu ke rang ko be-rang dekhne ke liye
zara shu.ur ki ankhen to kholiye sahab
kamal-e-zabt ka ahang dekhne ke liye
nigar-ḳhana-e-fan ke jamal ki saugandh
main aa gaya huun tire Dhang dekhne ke liye
ta.alluqat ka loha to gal chuka hoga
palaT ke aa.e ho ab zang dekhne ke liye
Leave a Reply