Ghulam Murtaza Rahi
faraḳh-dast ka ye husn-e-tang-dasti hai
jo ek buund ki manind bahr-e-hasti hai
vo jis ko napiye to Thaharti nahin hai kahin
isi zamin pe kul ka.enat basti hai
ghaTa to jhuum ke aati hai aa.e din lekin
jahan barasna ho kam kam vahan barasti hai
zamin karti hai mujh ko ishara-e-parvaz
miri tamam bulandi rahin-e-pasti hai
ab aur der na kar hashr barpa karne men
miri nazar tire didar ko tarasti hai
jo gird-o-pesh se main be-niyaz huun ‘rahi’
isi men hosh hai mira isi men masti hai
Leave a Reply