Poet
taslim mujh ko main tire pasang to nahin
lekin tujhe nasib mira rang to nahin
main kis liye fasil-e-badan men chhupa rahun
meri kisi ke saath koi jang to nahin
ghabra rahe ho kyuun miri basti ka fasla
hai chand gaam sainkaḌon farsang to nahin
bharte ho kis liye miri tasvir men ye rang
mauj-e-shafaq ka rang mira rang to nahin
be-ehtiyatiyon se tiri TuuT ja.ega
dil ek aa.ina hai koi sang to nahin
phir kyuun karun ḳhayal kisi aur des ka
mere liye zamin-e-vatan tang to nahin
din raat apne aap se rahna ḳhafa ḳhafa
‘shahid’ guzar-basar ka koi Dhang to nahin
Leave a Reply