naghmagi giit harf-o-nava
nala-e-shauq saut o sada
ek bahri siyasat ke darbar men
sar-nigun pa-ba-zanjir laae gae
saara simab-e-naqad-o-nazar
sab tilismat-e-harf-o-hunar
parda-e-sahar-o-asrar se tuut kar
maqtal-e-arzu ban gae
vo tarab-zar-e-dil qasr-e-gham
raat bhar jagti agahi yaani
aqlim-jan
mashinon ke khandarat men kho gae
vo jo ahang-e-alam tha
khvabon ka maskan tha aur harf o maani ki tathir tha
apni bedariyon ki saza katne ke liye
sang o aahan men dhala gaya
sajda-e-haq
tamanna ke afaq tak dard ke qafile
kaba-e-nur tak abla-pai ke silsile
zar-e-maghrib ki mizan men tul gae
ham ki is dasht men abla-pa the sadiyon se
is raah ke sang-e-mil
apne qadmon ke hamraz the
ham bhi is daur-e-uftadgi men
bas
tamasha-e-ahl-e-karam dekhte rah gae
Leave a Reply