hasrat-mohani

Faiz-E-Mohabbat Se Hai Qaid-E-Mihan

faiz-e-mohabbat se hai qaid-e-mihan

mere liye ek bala-e-hasan

sham-e-ghariban ke barabar kahan

mazhab-e-ushshaq men subh-e-vatan

aah vo gharat-gar-e-sabr-o-shakeb

silsila-e-zulf shikan dar shikan

fitna-e-jan vo sukhan-e-dil-pazir

dushman-e-din vo nigah-e-sahar-fan

jalva-e-janan se hai dar-us-surur

khana-e-jan ab nahin bait-ul-huzn

mehr o muravvat se tumhen vasta

ye bhi harifon ka hai ik husn-e-zan

jab se kaha ishq ne ‘hasrat’ mujhe

koi bhi kahta nahin fazl-ul-hasan

More Poems

Leave a Comment