safiya-shamim

Gar Hai Nae Nizam Ki Takhliq Ka Khayal

gar hai nae nizam ki takhliq ka khayal

abadiyon ko nazr-e-bayaban to kijiye

gar jalva-e-jamal ki dil ko hai aarzu

ashkon se chashm-e-shauq charaghan to kijiye

hona hai dard-e-ishq se gar lazzat-ashna

dil ko kharab-e-talkhi-e-hijran to kijiye

ik lamha-e-nashat ki gar hai havas ‘shamim’

dil ko halak-e-hasrat-o-arman to kijiye

More Poems

Leave a Comment