faisle ki us ghaḌi ka iltava achchha laga
ek rishta TuTne se bach gaya achchha laga
jan-e-man jan-e-vafa ḳhat men likha achchha laga
duur se us ne mujhe apna kaha achchha laga
main ne gham ki dhun bhi chheḌi aur ḳhushi ka raag bhi
tum batao giit mera kaun sa achchha laga
mujh men kya jauhar mire TuuTe hue a.ine ko
aaj us ne chand ka TukḌa kaha achchha laga
ek din aa.i to phir vapas na tanha.i ga.i
mere ujḌe ghar men us ko jaane kya achchha laga
dil na chhoḌega ziden ye to vo balak hai jise
ik khilauna mil gaya to dusra achchha laga
pesh kar diin main ne fikr-o-fan ki tasviren hazar
ḳhud pasandon ko magar ik a.ina achchha laga
chandni yadon ki thi ‘parvin’ aansu kyon baha.e
kya kafan pe tujh ko moti Tankna achchha laga
Leave a Reply