Imdad Imam Asar
shaiḳh ke haal par ta.assuf hai
shakl-e-rozi ki ik tasavvuf hai
jis ki auqat ho tasavvuf par
us ke is rozgar par tuf hai
jin ko da.ava hai haq-shanasi ka
un se bande ko bhi ta.aruf hai
na to irfan ke un men hain andaz
ma.arifat se na kuchh tasharruf hai
kaisi ta.amil-e-hukm ḳhaliq ki
kaisa islam sad-ta.assuf hai
kaun se amar-e-din ko koi kahe
diin ka diin hi tasavvuf hai
din-e-ahmad se ho jo bahar baat
vahi is ahd men tasavvuf hai
maal jo kuchh hai bevaqufon ka
shaiḳh ka maal be-takalluf hai
hai ‘asar’ ye tasarruf-e-be-ja
aur koi nahin tasarruf hai
Leave a Reply