sar ko avaz se vahshat hi sahi
aur vahshat men aziyyat hi sahi
khak-zadi tire ushshaq bahut
main tiri yaad se gharat hi sahi
vo kahan hain ki jo maslub na the
meri mitti men baghavat hi sahi
ah-o-ahang-o-ihanat ke kanar
ai miri pyaas pe tohmat hi sahi
khud se misaq ghalat tha mera
ai tire khvab zarurat hi sahi
ishq ai ishq azadar huun main
dosh pe bar-e-hazimat hi sahi
phir kisi khvab ki baiat kar len
phir kisi dukh ki tilavat hi sahi
ek khvahish ki jise sinch saken
raigani ki riyazat hi sahi
ham se kuchh aur to kya hona hai
ik tire gham ki hifazat hi sahi
lautte hain ki bulata hai koi
barish-e-sang-e-malamat hi sahi
tutte hain ki nasha tutta hai
khud se milne men aziyyat hi sahi
ab kisi aur ki khvahish hi kahan
ab tire hijr se fursat hi sahi
kaghzi shahr ude jaate hain vo
asmanon ki rifaqat hi sahi
Leave a Reply