kis qadar ḳhush tha kabhi yaron ke beach
ab tarasta huun main ḳhar-karon ke beach
kuchh ḳhabar bhi hai miri kuTiya tujhe
ghir ga.i hai kitne zardaron ke beach
dekh kar dushman mira rone laga
khilkhilaya main jo angaron ke beach
kya karega sar pakaḌne ke siva
ik masiha itne bimaron ke beach
jaane kyuun divar TeḌhi ho ga.i
aur vo bhi itne me.amaron ke beach
mera girya ra.egan jaane laga
kya hua hasil riya-karon ke beach
rah sakengi kis tarah parvaz ḳhush
chand sansen itne azaron ke beach
Leave a Reply