abul-hasanat-haqqi

Ek Masarrat Mere Atraf Ko Anjaani De

ik masarrat mire atraf ko anjani de

nutq ko lab se utha aankh ko hairani de

hai tamanna ki chamakte rahen mehvar ke baghair

havas-e-kham na de ishq tu la-fani de

naqsh to saare mukammal hain ab uljhan ye hai

kis ko abad kare aur kise virani de

dekh kar aae hain kuchh log vahan sabz lakir

main use dekh sakun itni giran-jani de

ye to dekhen ki hai buniyad men kya kya mahfuz

ghar banaya hai to ab varta-e-tughyani de

aks-e-rukh kaisa yahan kuchh bhi nahin hai dil men

ham ko shadab na kar hausla tufani de

samne tere ham is khaak se sharminda na hon

maut asan ho ya rizq men arzani de

jaane kya kya nazar aata hai tamanna bar-kaf

mere malik mujhe do roz ki sultani de

hausla haar gai tishna-dahani ‘haqqi’

ab tu mashkiza utha aur mujhe paani de

More Poems

Leave a Comment