faisla kya ho jan-e-bismil ka
maut rukh dekhti hai qatil ka
dil-lagi hai sambhalna dil ka
naseha kaam hai ye mushkil ka
maut bhi kaanp kaanp uthti hai
naam sun sun ke mere qatil ka
mil ke talvon se hans ke kahte hain
tha zamane men shor usi dil ka
hasraten is pate par aati hain
dagh-e-dil hai charagh manzil ka
kya qarine se gul hain gulshan men
rang udaya kisi ke mahfil ka
aap ko kho ke tum ko dhundh liya
hausla tha ye mere hi dil ka
be-naqab us ne kis ko dekh liya
rang faq hai jo mah-e-kamil ka
hans ke phulon ko vo karenge subuk
rang udaenge ham anadil ka
zikr-e-gham bazm-e-yar men ‘zeba’
rang bhi dekhte ho mahfil ka