ik vahi shaḳhs jise rahat-e-jan kahta huun
haan usi shaḳhs ko main ji ka ziyan kahta huun
munsif-e-shahr us avaz se Dar jaata hai
main jise ghogha-e-avaz-e-sagan kahta huun
sar use kahta huun jis men ho shahadat ka junun
haq-goi par jo kaTe us ko zaban kahta huun
vaa.e taqdir vo jis baat pe kahte hain nahin
be-irada main usi baat pe haan kahta huun
ai ‘naresh’ aap jise tarz-e-bayan kahte hain
main use aap ka andaz-e-fughan kahta huun
Leave a Reply