ik tiri yaad se yadon ke khazane nikle
zikr tera bhi bhi mohabbat ke bahane nikle
ham ne samjha tha ki dil hai tira maskan lekin
jaane valon ke kahin aur thikane nikle
phir mire kaan men gunji hain duaen teri
teri aghosh men gham apne chhupane nikle
ek khushbu ki tarah gahe-ba-gahe aana
kitne sundar tire kuchh ruup suhane nikle
dil men kuchh tutne lagta hai tire zikr ke saath
chand aansu tiri ulfat ke bahane nikle
main to ik ruup huun tera yahi kaafi hai ‘saba’
ab isi rang se is dil ko sajane nikle
Leave a Reply