Sufi

Us Par To Khair Aasman Hai

us paar to khair asman hai

is paar agar dhuan dhuan hai

andha hai gharib khush-guman hai

aur samne khaai hai kuaan hai

divar-e-kuhan ke zer-e-saya

baalu ke mahal ki dastan hai

jalti hui ret ka sahara

jalti hui ret bhi kahan hai

patthar ki lakir ke alava

mitti ka diya bhi darmiyan hai

har shahr ke zer-e-parda jangal

‘ahmad’ ye maqam-e-imtihan hai

More Poems

Leave a Comment