ek tasvir ankhon men aati hui ek jaati hui
phir vahi shaam hai phir vahi yaad hai dil dukhati hui
shab ke dariya men uThti hai ik mauj-e-mazi bala-ḳhez kyuun
lauT jaati hai kyuun sahil-hal se sab miTati hui
aur kya hone vaala hai ab jo abhi tak nahin ho saka
sun raha huun kahin duur se phir sada kun ki aati hui
vaqt to kuchh lagega par aḳhir ye kohsar kaT ja.ega
dard ki ik nadi mere siine se rasta banati hui
ek gul tha kahin par akela udasi men Duuba hua
ek titli ḳhayalon men aati hui muskurati hui
dil samundar men Duube hue saare lafzon ki lashen liye
kashtiyon anso.on ki chali aati hain Dagmagati hui
titliyan mere kamre men uḌti hui jharna bahata hua
ik pari-zad apne vatan ki kahani sunati hoi
Leave a Reply