ahmad-sagheer-siddiqui

Ek Khwab Hai Ye Pyas Bhi Dariya Bhi Khwab Hai

ik khvab hai ye pyaas bhi dariya bhi khvab hai

hai khvab tu bhi teri tamanna bhi khvab hai

ye iltizam-e-dida-e-khush-khvab bhi hai khvab

rang-e-bahar qamat-e-zeba bhi khvab hai

vo manzilen bhi khvab hain ankhen hain jin se chuur

haan ye safar bhi khvab hai rasta bhi khvab hai

ye rifaten bhi khvab hain ye asman bhi khvab

parvaz bhi hai khvab parinda bhi khvab hai

hain apni vahshaten bhi bas ik khvab ka tilism

yaaro fusun-e-vusat-e-sahra bhi khvab hai

More Poems

Leave a Comment