Faiz Ahmad Faiz
ham jitenge
haqqa ham ik din jitenge
bil-akhir ik din jitenge
kya khauf zi-yalghar-e-aada
hai siina sipar har ghazi ka
kya khauf zi-yurish-e-jaish-e-qaza
saf-basta hain arvah-u-shshuhada
dar kaahe ka
ham jitenge
haqqa ham ik din jitenge
qad jaal-haqqo va zahaqal-batil
farmuda-e-rabb-e-akbar
hai jannat apne paanv tale
aur saya-e-rahmat sar par hai
phir kya dar hai
ham jitenge
haqqa ham ik din jitenge
bil-akhir ik din jitenge
Leave a Reply