Ek Tanha KHatir-E-Mahzun Jise Afkar Sau

ek tanhā ḳhātir-e-mahzūñ jise afkār sau

ek mujh bīmār se vābasta haiñ āzār sau

hai ta.ajjub nok-e-mizhgāñ se jo ḳhūñ-ālūda huuñ

ḳhūñ-girafta ek dil aur ḳhanjar-e-ḳhūñ-ḳhvār sau

mū-ba-mū kyūñ-kar na ho mujh ko giraftārī-e-zulf

kāfir-e-ishq-e-butāñ maiñ ek aur zunnār sau

dū-ba-dū kab ho sakeñ us ke ‘asar’ hai aañkh naar

kyā huaa, haiñ dekhne kahne ko gar aġhyār sau

Leave a Comment