karni hai rah-e-zist jo hamvar dosto
kyuun DhunDte ho saya-e-divar dosto
arzan kuchh itni ho ga.i jins-e-vafa ki ab
milta nahin hai koi ḳharidar dosto
muddat hui mata-e-dil-o-jan luTe hue
ab bhi vahi hai garmi-e-bazar dosto
ḳhun-e-jigar se likhte chalo naqsh-e-pa ke saath
kya kah rahi hai vaqt ki raftar dosto
‘nashtar’ bata.e hal-e-chaman kya ki in dinon
har zaḳhm-e-dil hai hasil-e-gulzar dosto
Leave a Reply