andaz-e-numu kaisa alamnak nikala
paivand-e-badan mera sar-e-khak nikala
us ne dil-e-be-kaif ko bimar samajh kar
darman ke liye nashtar-e-saffak nikala
imkan ki godi ke pale zehn-e-rasa ne
ik sabza miyan-e-khas-o-khashak nikala
sahra ki tapish pyaas ki shiddat thi ki us ne
bhula hua ik qissa-e-namnak nikala
afsos salatin chuka paae na qimat
siine se jo ham ne dur-e-aflak nikala
Leave a Reply