Dard Ko Dard Se Nisbat Hogi

Poet

dard ko dard se nisbat hogi

kyon sochen ki mohabbat hogi

jaan kisi ko di thi tum ne

ab jo jiye to nadamat hogi

tum se mujhe kuchh kaam nahin hai

tum ko meri zarurat hogi

aao ḳhuda ki basti hai ye

kisi khanDar men ibadat hogi

kuTiyaon ka luTera hoga

jis ki na.i imarat hogi

baiTha huun phir diya jala.e

parvanon ki ziyafat hogi

jism kisi ka garm nahin hai

‘rahi’ tum ko hararat hogi