ye jo bedar dikhai diya huun
akhiri baar dikhai diya huun
vahan mushkil tha sunai deta
shukr hai yaar dikhai diya huun
aa hirasat se chhuda hijran ko
main giraftar dikhai diya huun
paanv bandhe hain vafa se jab ne
tez-raftar dikhai diya huun
jhiil men chand gira tha aur main
jhiil ke paar dikhai diya huun
mujh pe tasvir laga di gai hai
kya main divar dikhai diya huun
janta khud ko nahin huun ‘ahmad’
khud ko be-kar dikhai diya huun
Leave a Reply