Ek Saya Mera Masiha Tha

ek saaya mira masiha tha

kaun jaane vo kaun tha kya tha

vo faqat sahn tak hi aati thi

main bhi hujre se kam nikalta tha

tujh ko bhula nahin vo shakhs ki jo

teri banhon men bhi akela tha

jan-leva thiin khvahishen varna

vasl se intizar achchha tha

baat to dil-shikan hai par yaaro

aql sachchi thi ishq jhuta tha

apne meaar tak na pahuncha main

mujh ko khud par bada bharosa tha

jism ki saf-goi ke ba-vasf

ruuh ne kitna jhuut bola tha

Leave a Comment