ik sahifa naya utra hai suna hai logo
marna dost ka bhi jis men rava hai logo
ham ne jo kuchh na kya us ki saza bhi paai
aur vo jo bhi kare sab hi rava hai logo
zulm ki had hai jahan khatm vahan par vo hai
dhund lo us ko yahi us ka pata hai logo
dil men ik shola-e-ummid tha so sard hua
chand mathe ka mire kab ka bujha hai logo
jis ko tum kahte ho khush-bakht sada hai mazlum
jiina har daur men aurat ka khata hai logo
dekhiye zakhm ka kya haal hua hai ‘raziya’
aaj to dard mira had se siva hai logo