mire bachche ye kahte hain
”tum aati ho to ghar men raunaqen khushbuen aati hain
ye jannat jo mili hai sab unhin qadmon ki barkat hai
hamare vaste rakhna tumhara ik saadat hai”
badi mushkil se main daman chhuda kar laut aai huun
vo aansu aur vo ghamgin chehre yaad aate hain
abhi mat jaao ruk jaao ye jumle satate hain
main ye saari kahani aane valon ko sunati huun
mire lahje se lipta jhuut sab pahchan jaate hain
bahut tahzib vaale log hain sab maan jaate hain
Leave a Reply