Ahmad Ata
ik raat main so nahin saka tha
aur khvab bhi dekhna pada tha
dil itna kyuun dhadak raha hai
main kis ki nazar men aa gaya tha
jaisa bhi ghalat sahi main huun, huun
jaisa bhi ghalat sahi main thaa, tha
kamre men aag lag gai thi
dil jab kisi dhyan men laga tha
vaisa hi kharab shakhs huun main
jaisa koi chhod kar gaya tha
dil ki masnad pe baith kar ishq
mujh aise ko sanvarta tha
Leave a Reply