Shaz Tamkanat
ek raat aap ne ummid pe kya rakkha hai
aaj tak ham ne charaghon ko jala rakkha hai
sausan o nastaran o sumbul o raihan o gulab
teri yadon ko gulistan men chhupa rakkha hai
vaj.h-e-avargi-e-ishq-e-fasurda ma.alum
nigah-naz ko parda sa bana rakkha hai
dard daulat hi sahi pahlu-e-rahat hi sahi
kuchh dinon ishq ne bhi ḳhud ko bacha rakkha hai
le uḌe ahl-e-junun husn ki ik ek ada
ḳhalvat o bazm men ab farq hi kya rakkha hai
haa.e ḳhushbu se tire dard ki nisbat na ga.i
main ne har phuul ko siine se laga rakkha hai
aaj to shikva-e-mahrumi-e-didar nahin
ham ne kal ke liye is gham ko uTha rakkha hai
Leave a Reply