Sufi

Aankhon Mein Uski Dub Ke Ubhra Nahin Hun Main

ankhon men us ki Duub ke ubhra nahin huun main

jis ne bhula diya use bhula nahin huun main

ab lamha lamha apne bikharne ka khauf hai

ghunche ki tarah band huun khulta nahin huun main

pichhe palat ke dekha to parchhain bhi na thi

socha tha rah-e-shauq men tanha nahin huun main

ye sochta huun kaise rahunga tumhare saath

aksar to apne saath bhi rahta nahin huun main

‘fakhir’ isi gali men milega dil-e-kharab

lekin ab is gali se guzarta nahin huun main

More Poems

Leave a Comment