Ek Nazm Likhna Aasan Hai

ek nazm likhna bahut asan hai

ek kaghaz aur qalam

hona chahiye

aur dimagh aur ek dil

aur vo lafz

jo nazm likhna chaah rahe hon

aur dil aur dimagh ke darmiyan

ek silsila

lekin kabhi kabhi nazm nahin

nazm nahin likhi ja sakti

dil aur dimagh aur lafz

kaghaz aur qalam

jab in men se koi ek nahin hota

to phir

nazm darmiyan se kho jaati hai

Leave a Comment