Sufi
sochta huun yahan kis se hai shanasai miri
vahi viran sa makan hai vahi tanhai miri
jis ki zulfon men lagaya hai mohabbat ka gulab
kaghzi phulon se karta hai pazirai miri
is dariche men nahin dekhne vaala koi
vo tamasha huun ki hai khalq tamashai miri
band-e-gham tuut ke ashar men bah nikla hai
qarye qarye men hui jaati hai rusvai miri
dil ke fanus men jal uthti hain shamen ‘fakhir’
dard aata hai jo karne ki pazirai miri
Leave a Reply