ik kiran mehr ki zulmat pe bhari hogi
raat un ki hai magar sub.h hamari hogi
ham-safiran-e-chaman mil ke pukaren to zara
yahin ḳhvabida kahin bad-e-bahari hogi
is taraf bhi koi ḳhushbu se mahakta jhonka
ai saba tu ne to vo zulf sanvari hogi
ye jo milti hai tire gham se gham-e-dahr ki shakl
dil ne tasvir se tasvir utari hogi
bu-e-gul aati hai miTTi se chaman ki jab tak
ham pe dahshat na ḳhizan ki kabhi taari hogi
Leave a Reply