Sufi

Ai Shauq-e-Dil Bhi Ek Muamma Ajib Hai

ai shauq-e-dil bhi ek muamma ajiib hai

sahra ko andhiyon ki tamanna ajiib hai

maujon ke iztirab ne dhadka diya tha dil

utre jo ham utar gaya dariya ajiib hai

dushvar ho gai hai ab apni shanakht bhi

aina kah raha hai ki chehra ajiib hai

shakhen jo mere sahn men hain un men phal na aae

ham saae ka darakht bhi kitna ajiib hai

uthti hai ik fasil to girti hai ik fasil

‘fakhir’ ye chahaton ka gharaunda ajiib hai

More Poems

Leave a Comment