Samajh Ke Hur Bade Naz Se Lagai Chot

samajh ke huur bade naaz se lagai chot

jo us ne aaina dekha to khud hi khaai chot

nazar ladi jo nazar se to dil par aai chot

gire kalim sar-e-tur aisi khaai chot

labon pe ban gai missi jo dil par aai chot

jagah badal ke lagi karne khud-numai chot

bade dimagh se maara nazar se jab maara

bade ghurur se aai jo dil par aai chot

kisi ka tuur pe nikla hai haath parde se

bada maza ho kare gar tiri kalai chot

ye daud-dhup ladakpan ki yak qayamat hai

ki thokaron se qayamat ne khuub khaai chot

abhi uthi na thi nichi nigah zalim ki

tadap ke dil ne kaha vo jigar pe aai chot

jo aae hashr men vo sab ko marte aae

jidhar nigah phiri chot par lagai chot

jo dil ka aaina mal mal ke ham ne saaf kiya

phisal phisal ke tumhari nazar ne khaai chot

cluff nahin hai nishan hai ye chand-mari ka

hamare chand ne lo chand par lagai chot

ghash aa raha hai mujhe zikr-e-lan-tarani se

lagi hai dil pe mire lo suni-sunai chot

rukenge kya kaf-e-gustakh dast-e-rangin se

kahin na khaae tira panja-e-hinai chot

dil-o-jigar ko bata kar vo lotna mera

vo puchhna tira kis kis jagah par aai chot

mariz-e-hijr ye samjha jo chamki charkh pe barq

ye aag senkne laai shab-e-judai chot

uthe tadap ke uthe to gire gire to mare

phadak ke rah gae vo chot par lagai chot

padegi aah jo meri khulenge band-e-qaba

shab-e-visal karegi girah-kushai chot

gira huun khuld se lanka men pahle tuur pe baad

jahan jahan main gaya saath saath aai chot

vo jhank jhank ke ladte hain mujh se ye kah kar

jo ham ne vaar kiya tum ne kyuun bachai chot

jo dard dil men utha un ki yaad khich aai

dikhati hai asar-e-jazb-e-kahrubai chot

utha utha ke dil-e-muztarib ne de tapka

gira gira ke mujhe chot par lagai chot

nigah-e-shokh se jis dam nigah-e-shauq ladi

bada hi lutf raha ye gai vo aai chot

lagai us ne jo thokar to ji utha ‘mail’

nikal ke jaan phir aai kuchh aisi khaai chot

Leave a Comment