dilbar se dard-e-dil na kahun haae kab talak
khamosh us ke gham men rahun haae kab talak
us shokh se juda main rahun haae kab talak
ye zulm ye sitam main sahun haae kab talak
rahta hai roz hijr men zalim ke gham mujhe
is dukh se dekhiye ki chhutun haae kab talak
aai bahar jaiye sahra men shahr chhod
muj ko junun hai ghar men rahun haae kab talak
zalim ko tuk bhi rahm mire haal par nahin
‘taban’ main us ke jaur sahun haae kab talak
Leave a Reply