ik khilauna tuut jaega naya mil jaega
main nahin to koi tujh ko dusra mil jaega
bhagta huun har taraf aise hava ke saath saath
jis tarah sach-much mujhe us ka pata mil jaega
kis tarah rokoge ashkon ko pas-e-divar-e-chashm
ye to paani hai ise to rasta mil jaega
ek din to khatm hogi lafz o maani ki talash
ek din to mujh ko mera muddaa mil jaega
ek din to apne jhute khol ko todega vo
ek din to us ka darvaza khula mill jaega
ja raha huun is yaqin se us ke chhode ghar ki samt
jaise vo bahar gali men jhankta mil jaega
chhod khali ghar ko aa bahar chalen ghar se ‘adim’
kuchh nahin to koi chehra chand sa mil jaega
tez hoti ja rahi hain dhadkanen aise ‘adim’
jaise agle mod par vo be-vafa mil jaega
Leave a Reply