ajiib raat thi vo raat men nahin aaya
ki mere ḳhvab-e-tilismat men nahin aaya
vo is liye hi to aaya tha phuul khil jaa.en
phir is ke ba.ad vo baghat men nahin aaya
main chahta tha use chhu ke dekh luun lekin
vo asman mire haat men nahin aaya
vagarna tum se ta.alluq main ḳhatm kar deta
pe intishar bayanat men nahin aaya
gunah muaaf main us ko ḳhuda bana baiTha
ḳhuda ḳhayal-e-mulaqat men nahin aaya
khule kivaḌ mire ghar ke bain karte rahe
koi bhi haath mire haat men nahin aaya
furat tu ne bahattar ki tishnagi dekhi
tu phir bhi ḳhema-e-sadat men nahin aaya
Leave a Reply