Charagh-E-Rah Bane Sham-E-Anjuman Na Rahe

charāġh-e-rāh bane sham-e-anjuman na rahe

ḳhudā kare ki mirā fan bhī merā fan na rahe

diloñ ke phuul tabassum ke phuul pyaar ke phuul

khileñ ye phuul to phir barq kā chalan na rahe

nigāh bhar ke mujhe dekh jaam bhar ke pilā

mirī jabīñ pe ġham-e-dahr kī shikan na rahe

tumhāre qabza-e-qudrat meñ mehr-o-māh sahī

magar ye kyā ki mire paas ik kiran na rahe

Leave a Comment