samajhna fahm gar kuchh hai tabii se ilahi ko
shahadat ghaib ki khatir to hazir hai gavahi ko
nahin mumkin ki ham se zulmat-e-imkan zaail ho
chhuda de aah koi kyuun ke zangi se siyahi ko
ajab aalam hai idhar se hamen hasti satati hai
udhar se nisti aati hai daudi uzr-khvahi ko
na rah jaave kahin tu zahida mahrum rahmat se
gunahgaron men samjha kariyo apni be-gunahi ko
na lazim nisti us ko na hasti hi zaruri hai
bayan kya kijiye ai ‘dard’ mumkin ki nanahi ko
Leave a Reply