ek ham se tujhe nahin ikhlas
ghar-ba-ghar tujh ko har kahin ikhlas
ru-siyahi siva nahin hasil
naam se mat kar ai nagin ikhlas
dekh tujh zulf o ru ki ulfat ko
karte hain aaj kufr o diin ikhlas
zor hi ham se tiin rakha pyare
vah-va rahmat-afrin ikhlas
misl-e-naqsh-e-qadam ye rakhti hai
tere dar se miri jabin ikhlas
gar tamanna guhar ki hai to kar
chashm meri se astin ikhlas
aadam is daam men phansa ‘sauda’
rakkhe daane se khosha-chin ikhlas
Leave a Reply