Tahzeeb Hafi
ik haveli huun us ka dar bhi huun
ḳhud hi angan ḳhud hi shajar bhi huun
apni masti men bahta dariya huun
main kinara bhi huun bhanvar bhi huun
asman aur zamin ki vus.at dekh
main idhar bhi huun aur udhar bhi huun
ḳhud hi main ḳhud ko likh raha huun ḳhat
aur main apna nama-bar bhi huun
dastan huun main ik tavil magar
tu jo sun le to muḳhtasar bhi huun
ek phaldar peḌ huun lekin
vaqt aane pe be-samar bhi huun
Leave a Reply