Ek Haweli Hun Us Ka Dar Bhi Hun

ik havelī huuñ us kā dar bhī huuñ

ḳhud hī āñgan ḳhud hī shajar bhī huuñ

apnī mastī meñ bahtā dariyā huuñ

maiñ kināra bhī huuñ bhañvar bhī huuñ

āsmāñ aur zamīñ kī vus.at dekh

maiñ idhar bhī huuñ aur udhar bhī huuñ

ḳhud hī maiñ ḳhud ko likh rahā huuñ ḳhat

aur maiñ apnā nāma-bar bhī huuñ

dāstāñ huuñ maiñ ik tavīl magar

tū jo sun le to muḳhtasar bhī huuñ

ek phaldār peḌ huuñ lekin

vaqt aane pe be-samar bhī huuñ

Leave a Comment