Ek Ek Pal Tera Nayab Bhi Ho Sakta Hai

ek ik pal tirā nāyāb bhī ho saktā hai

hausla ho to zafar-yāb bhī ho saktā hai

biphrī maujoñ se ulajhne kā salīqa hai agar

ye samundar kabhī pāyāb bhī ho saktā hai

umr tapte hue sahrā meñ basar kī jis ne

to sarāboñ se vo sairāb bhī ho saktā hai

aap dariyā kī ravānī se na uljheñ hargiz

tah meñ us ke koī girdāb bhī ho saktā hai

laakh motī hī sahī vaqt kī gardish meñ kabhī

qīmtī kitnā ho be-āb bhī ho saktā hai

jis ko majbūr huā hai to khurachne pe ‘zafar’

terī āñkhoñ kā hasīñ ḳhvāb bhī ho saktā hai

Leave a Comment