ghunudgi si rahi taari umr bhar ham par
ye aarzu hi rahi thodi der so lete
khalish mili hai mujhe aur kuchh nahin ab tak
tire khayal se ai kaash dard dho lete
mire azizo mire dosto gavah raho
birah ki raat kati amad-e-sahar na hui
shikasta-pa hi sahi ham-safar raha phir bhi
ummid tuuti kai baar muntashir na hui
hayula kaise badalta hai vaqt hairan huun
fareb aur na khaae nigah darta huun
ye zindagi bhi koi zindagi hai pal pal men
hazar baar sambhalta huun aur marta huun
vo log jin ko musafir-navaz kahte the
kahan gae ki yahan ajnabi hain sathi bhi
vo saya-dar shajar jo suna tha raah men hain
sab andhiyon ne gira daale ab kahan jaaen
ye bojh aur nahin uthta kuchh sabil karo
chalo hansenge kahin baith kar zamane par
Leave a Reply