Khaleel Mamoon
aisa ho zindagi men koi ḳhvab hi na ho
andhiyari raat men koi mahtab hi na ho
sukhe daraḳht ki tarah dariya men gir paḌen
marne ke vaste koi sailab hi na ho
puuja karen magar na dua ko uTha.en haath
shahr-e-havas men ma.abad-e-arbab hi na ho
mar jaa.en is se pahle ki vo faisla karen
hathon men koi pyala-e-zahrab hi na ho
‘mamun’ jal ke ḳhaak men mil jaa.e chashm-e-tar
aansu bahane chashma-e-sardab hi na ho
Leave a Reply