ik baat yahi shukr manane ke liye hai
ab paas nahin kuchh bhi ganvane ke liye hai
us ko ye suhulat hai ki jab chahe vo ruThe
vo janta hai koi manane ke liye hai
ye bad-e-saba ḳhushbu parindon ki sada.en
har shai use khiḌki pe bulane ke liye hai
kuchh peḌ hare rahte hain patjhaḌ ho ki savan
chehre pe tabassum ye batane ke liye hai
har sher men aa jaata hai kyon zikr usi ka
ye shauq-e-suḳhan jis ko bhulane ke liye hai
Leave a Reply