ḳhatm hui shab-e-vafa ḳhvab ke silsile ga.e
jis dar-e-nim-baz ke pesh the marhale ga.e
jo rag-e-abr-o-bad se ta-ba-rag-e-junun rahen
ishq ki vo hikayaten husn ke vo gile ga.e
shukr-o-sipas ka maza de hi gaya sukut-e-yar
vasl-o-firaq se alag dard ke hausle ga.e
ik mire ham-kanar ki mujh se qarib aa ke raat
ḳhema-e-dard ho ga.i qurb ke valvale ga.e
dasht men qaht-e-ab se hijrat-e-ta.iran ke ba.ad
sair-pasand-o-tar-nafas abr ke qafile ga.e
ai ye fasun-e-dilbari taza-ruḳh-o-siyah-chashm
manzil-e-qurb bhi ga.i tujh se na fasle ga.e
niind men mahvashan-e-shahr bosa-e-ashiqan ki ḳhair
shab-ba-hava-e-narm-sair sub.h hui sile ga.e
ai ruḳh-e-taza-jahan raat to ab bhi hai garan
sham-e-hazar-rang tak yuun tire silsile ga.e
daman-e-dil ki oT se ek shab-e-firaq kya
daur-e-taghayyur-e-jahan sab tire qafile ga.e
Leave a Reply