ghaflat ajab hai ham ko dam jis ka marte hain
maujud hai nazar men jis ko pukarte hain
ham aina hain haq ke haq aina hai apna
masti men apni har dam dam haq ka marte hain
ham apne aap talib matlub aap ham hain
is khel men hamesha ham khud ko harte hain
jannat ki ham ko khvahish dozakh ka dar nahin hai
be-asl muft vaaiz ham ko ubharte hain
zahir hai haq ka jalva gar aankh ho to dekhe
‘markaz’ khuda ko aalam bhule pukarte hain
Leave a Reply